Announcement

Collapse
No announcement yet.

قصيدة لأهل الجود

Collapse
X
 
  • Filter
  • Time
  • Show
Clear All
new posts

  • قصيدة لأهل الجود

    عسى الهون لأهل الهون والجود لأهل الجود ** وعسى الله يعطي كل حيٍ على ظنّه
    وعسى أهل النوايا الباطـلة والقلوب السود ** يعاقبـهم اللـه ومـا يدخـلهم الجنّه

    حشى ما يجدد لـك جروح الحشا يا كود ** اليا جت من الـلي ما توقعـتها منّه
    أدور علـيها درب لو دربـها مسدود ** وأدندن وأجـرّ الصوت وأطوّح الونّه
    طموحي ولو دونه حنين ودويّ رعود ** ولو صار مهـما صار ما عني وعنّه

    لـ عين الهنوف الفارع أم العيون السود ** وذيك الجـدايل والشفـاتين والبنّه


    تصبرت أخـاف من المشـاريه والمنقود ** وأنا مؤمـنٍ وأصلي الفرض والسنّه

    أقـدّر وأسامـح وأحسب نقصها والزود ** الين يتـمادى بـ الخطأ راعي العنّه
    وأحب الصميدع وأذخره فزعة المضهود ** وأداري عـليه من المنـاقـيد وأحنّه

    وفعل الوفـا مني لـ راع الوفـا مردود ** ولاهـوب لـكني إليـا صار لـكنه
    هواجيسي وشعري كـما النار والبارود ** ومن غير لا أعمّر من التـتن وأكنّه

    على ما قسم ربي وجودي من الماجود ** أحفر الصخر وأسخّـر القاف لين أنّه
    يجـي سلسـبيلٍ حـاليٍ صافيٍ قرهود ** ومثـل الجنـيهي في بريـقه وفي دنّه

    وهبني جزيل المـدّ والفضـل للمعبود ** ولا غير وهـاب الوهايـب لـه المنّه
    على طول حبل المعـرفة حبلها ممدود ** وعلى كـل فـن وكل فـنان لـه فنّه

    يدك لامدت وفاء لاتْحّرى وش تجيب

    كان جتك سالمه حب يدك وخشها
Working...
X