" أبن عون , شاعر الوجد" ...!!!

[فضل الشمري]

قصيده للشاعر / عبدالله بن عون

يامل قلـب يسـج وفيـه دولاجـه
من هاجس بالضمايرقـام يدرجهـا
في معزل عن جميع الخلق وازعاجه
ما اسمع من الناس لوتكثر لجالجها
ماغير اهوجس تقول مضيع حاجـه
آخذ واسند على روحـي واهرجهـا
وادوج لوكـان مارجلـي بدواجـه
ادلّـه النفـس ليـن الله يفرجـهـا
يالله يالي بيـدك الضيـق وافراجـه
ياخالق الخلق ياقاضـي حوايجهـا
تفرج لعين ليا غضـت بسوهاجـه
دكت عليها الطواري لين تزعجهـا
بالصدر ضيقه ونوم العين هملاجـه
عيني من العام والسهـر متولجهـا
نوب سهرها شديـد ونـب نهاجـه
ومر تكن الدمـوع ومـر تزعجهـا
عليك ياللي بقلبـي كـن وهاجـه
وهاج نار هوى الغربـي يسارجهـا
يابو ثمان كمـا الياقـوت لعاجـه
كن البرد يوم يضحك في مفالجهـا
ياروح روحي وجرح القلب واعلاجه
الطف بحال عليك الهـم ساهجهـا
قلبي يناجيك بسلوب الهوى .. ناجه
يشكي لك الحال داخلهـا وخارجهـا
اما التفت لي وتم الوصـل بمواجـه
والا بـلا عشـرة هـذي نتايجهـا
وش ينفعك من حنين القلب وخلاجه
وجروحي اسبابها انت ولا تعالجهـا

هذه أحد قصائد الشاعر الكبير عبدالله بن عون وتعتبر في نظر الكثير من أجمل القصائد في العصر الحاضر , أتمنى أن تروق لكم كما هي لي ...!!!